炸魚薯條

係香港街上面隨隨便便叫一個炸魚薯條都係百幾二百蚊，仲要估究竟做出黎好唔好食。今次就介紹比大家依個傳統既英國國菜 - fish and chips 。只要記住下面既幾個技巧，係屋企都可以做到香脆既炸魚薯條

材料

急凍魚柳 4塊

(可以揀自己鐘意既品種，用COD FISH油脂會比較香)

焗薯 3個

(焗薯比起普通薯仔炸出黎會更加香口脆身)

炸漿

中筋麵粉 100g

梳打水 300ml

泡打粉 5g

鹽 5g

黑胡椒粉 5g

做法

前1日

1. 先將急凍魚柳解凍，用廚房紙完全印乾魚柳表面既水份，再將魚柳用廚房紙包實放入雪櫃

2. 將炸漿部份既所有材料撈勻，然後鋪上保鮮紙後放入雪櫃

3. 將薯仔批皮，然後一開八成條狀，先用水沖洗一次，洗走表面既澱粉，再放入另一盤水入面，再將成盤薯仔放入雪櫃

當日

1. 準備一鑊油，用中火加熱油溫約150度左右

2. 先將薯仔拎出黎，用廚房紙印乾薯仔表面既水份

3. 將薯仔分兩次放入油鑊，避免太多而降低油溫，將薯仔炸約5分鐘後撈起放涼 (依個部份只係要將薯仔炸熟，並唔洗脆身)

4. 最後炸之前既一刻先將魚柳同炸漿拎出黎，用紙再印乾魚柳表面水份

5. 先將魚柳沾上一層薄既中筋麵粉，再沾上撈好既炸漿，然後直接放入炸鑊

6. 油溫大約係160-170度左右，將魚柳炸4-5分鐘至表面金黃色即可撈起

7. 最後開大火，用大約170-180度既油溫將薯仔炸1分鐘至表面脆身即可

1. 魚柳，薯仔，炸漿都要係凍既情況下落炸鑊 2. 炸之前記緊印乾表面既水份 3. 千萬唔好熄左火先拎起炸完既野，唔係D油會入返食物內 4, 炸完既食物可以放入炸架上抖氣再上碟

時間: 30分鐘 難度:★★★★☆

#英國菜 #炸魚 #薯條 #西式

先將急凍魚柳解凍，用廚房紙完全印乾魚柳表面既水份，再將魚柳用廚房紙包實放入雪櫃

將炸漿部份既所有材料撈勻，然後鋪上保鮮紙後放入雪櫃

將薯仔批皮，然後一開八成條狀，先用水沖洗一次，洗走表面既澱粉，再放入另一盤水入面，再將成盤薯仔放入雪櫃

先將薯仔拎出黎，用廚房紙印乾薯仔表面既水份

薯仔分兩次放入油鑊，避免太多而降低油溫，將薯仔炸約5分鐘後撈起放涼 (依個部份只係要將薯仔炸熟，並唔洗脆身)

先將魚柳沾上一層薄既中筋麵粉，再沾上撈好既炸漿，然後直接放入炸鑊

炸完既食物可以放入炸架上抖 再上碟